Ինֆորմացիոն Տեխնոլոգիաների Ձեռնարկությունների Միություն
Տնօրեն`Կարեն Վարդանյան
Հակոբ Հակոբյան փող., 3 շենք, 3-րդ հարկ,
Երևան 0033, Հայաստան
Հեռ.` +374 11 54 88 81
Էլ.փոստ` [email protected]
Ինֆորմացիոն Տեխնոլոգիաների Ձեռնարկությունների Միությունը հիմնադրվել է 2000թ` որպես Հայաստանում գործող տեղեկատվական և հեռահաղորդակցական տեխնոլոգիաների ոլորտի ձեռնարկությունների բիզնես ասոցիացիա: ԻՏՁՄ ստեղծվել է ոլորտի ձեռնարկությունների շահերի պաշտպանության, բիզնեսի խթանման նպատակով: ԻՏՁՄ անդամները Հայաստանում գործող տեղական և միջազգային կազմակերպություններն են, որոնք ներգրավված են ծրագրային ապահովման ստեղծման, ինտերնետ տեխնոլոգիաների, էլ. առևտրի, կիսահաղորդիչների դիզայնի, գիտահետազոտական աշխատանքների և այլնի մեջ:
Իր գործունեության շրջանակներում ԻՏՁՄ կազմակերպում է մի շարք միջոցառումներ` ուղղված ՏՀՏ ոլորտի համար բարենպաստ բիզնես միջավայրի ստեղծմանը, այդ թվում` DigiTec Expo ամենամյա ՏՀՏ/ԲՏ միջազգային ցուցահանդեսը, DigiTec բիզնես ֆորումը, ՏՀՏ լիդերների հանդիպում-ֆորումը, ԱրմՌոբոտիքսը, Համակարգչային և բջջային խաղերի նախագծման Հայաստանի բաց առաջնությունը և այլն:
Միության ռազմավարական ուղղություններն՝ ըստ առաջնայնության.
- Կրթություն և աշխատուժի զարգացում,
- Շահերի պաշտպանություն/Իրավական դաշտ/Համագործակցություն պետական մարմինների հետ,
- ՏՀՏ ոլորտի զարգացում/Ինֆորմացիոն հասարակության ձևավորում,
- Ասոցիացիայի զարգացում և ընդլայնում: