ՍԻՆԵՐՋԻ ԻՆԹԵՐՆԵՅՇՆԼ ՍԻՍԹԵՄԶ, հայաստանյան մասնաճյուղ
Գործադիր տնօրեն` Արթուր Հովհաննիսյան
ՀՀ, Երևան, Արմենակյան 2/5
Հեռ.` +374 10 65-02-02 / 65-02-55
Էլ. փոստ` [email protected]
http://www.synisys.com
Synergy International Systems-ը (այսուհետ՝ «Սիներջի») ծրագրային ապահովման և խորհրդատվության ընկերություն է, որը մշակում է տվյալների կառավարման համակարգեր մոնիտորինգի և գնահատման, սոցիալական ապահովության, դատական, ֆինանսական, կրթության, առողջապահության և այլ ոլորտներում ՝ ինչպես պետական և միջազգային կազմակերպությունների, այնպես էլ ՀԿ-ների և մասնավոր սեկտորի կազմակերպությունների համար:
1997թ.-ին հիմնադրված Սիներջի կազմակերպության գլխամասը գտնվում է Վաշինգտոնում, իսկ ուսումնական կենտրոնը ՝ Երևանում:
19 տարի ի վեր մեր տեղեկատվական համակարգերից են օգտվել ավելի քան 60 երկրներում: Մեր ծրագրերը ներդրվել և օգտագործվում են աշխարհի ամենատարբեր վայրերում՝ Եվրոպայում, ԱՊՀ երկրներում, Մերձավոր Արևելքում, Ասիայում և Օվկիանիայում, Աֆրիկայում, Ավստրալիայում, Կենտրոնական Ամերիկայում և Կարիբյան ավազանում, Հյուսիսային և Լատինական Ամերիկաներում։
Մեր գործընկերների և հաճախորդների կազմում կան՝
- 40-ից ավել կառավարական գործակալություններ՝ ներառյալ ֆինանսների, էկոնոմիկայի, կրթության, պլանավորման, սոցիալական հարցերի և այլ նախարարություններ:
- Միջազգային խոշոր կազմակերպություններ, ինչպիսիք են ԱՄՆ միջազգային զարգացման գործակալությունը (USAID), Հազարամյակի մարտահրավերներ (MCC) կազմակերպությունը, ՄԱԿ-ի Զարգացման ծրագիրը (UNDP), Համաշխարհային բանկը, ՄԱԿ-ի մանկական հիմնադրամը (UNICEF), Գերմանիայի զարգացման համագործակցությունը (GIZ), Եվրոպական միությունը, Ասիական զարգացման բանկը:
- Synergy Indicata: Մոնիտորինգի և գնահատման համակարգ – Մոնիթորինգի և գնահատման համակարգը հնարավորություն է տալիս չափել ծրագրի/պրոեկտի արդյունավետությունը՝ ներմուծելով իրականացվող ծրագրից բխող ցուցանիշները և չափողականություն ունեցող փոփոխականները, համեմատություններ անցկացնելով ցուցանիշի բազային արժեքի, արձանագրված առաջընթացի և պլանավորված թիրախային արժեքի միջև:
- Դատարանների կառավարման համակարգ (CMS) – Դատական համակարգի հաստատությունների համար նախատեսված այս գործիքը նպաստում է դատական տարբեր գործընթացների ավտոմատացմանը:
- Սոցիալական ապահովության տեղեկատվական համակարգ (SPIS) – Սոցիալական պաշտպանությանը և սոցիալական անվտանգությանն ուղղված ծրագրերի կառավարման համար նախատեսված վեբ համակարգ է:
- Զարգացման աջակցման տվյալների բազա (DAD) –Երկրի զարգացմանն ուղղված ծրագրերի կառավարման ծրագիր է, որն արդեն իսկ կիրառվում է ավելի քան 35 երկրներում: Այս համակարգի միջոցով հնարավոր է դառնում հավաքագրել, վերլուծել և պլանավորել զարգացմանն ուղղված ծրագրերի մասին ողջ տեղեկատվությունը՝ այսպիսով ապահովելով դրանց էֆֆեկտիվ կառավարումը և ֆինանսական ռեսուրսների թափանցիկ և թիրախային օգտագործումը:
- Հանրային ներդրումների կառավարման փաթեթ (PIM)- Հանրային ներդրումների կառավարման համար նախատեսված այս համակարգը ապահովում է ներդրումների կառավարման թափանցիկությունը՝ տեսանելի դարձնելով ներդրումների հոսքը համակարգի բոլոր օգտատերերի համար: Այս համակարգը հնարավորություն է ընձեռում պլանավորել, իրականացնել և վերահսկել ներդրումային նախագծերը:
- Պետական բյուջետային համակարգ (SBS) – Համակարգը կառավարություններին հնարավորություն է տալիս նախագծել և պլանավորել պետական բյուջեն: Այս համակարգը հնարավոր է դարձնում բյուջեի բաշխման վերաբերյալ տեղեկատվության հաշվետվողականությունը, նպաստում է բյուջեի ամբողջական պլանավորմանն ու իրականացմանը; Այս համակարգը տրամադրում է բազմակի տարիների բյուջեի պլանավորման հնարավորություն՝ օգտագործողի համար հեշտ կիրառելի աղյուսակային ինթերֆեյսի միջոցով:
- Հետաղետային կառավարման փաթեթ - Վեբ ծրագրային պլատֆորմ է, որը նախատեսված է հետաղետային վերականգնողական աշխատանքների պլանավորման համար՝ այդ գործընթացները հետևելու և էֆֆեկտիվ համակարգելու նպատակով:
- Կրթական համակարգի կառավարման ինֆորմացիոն համակարգ (EMIS) – Կրթական տվյալների հավաքագրման, վերլուծության և զեկուցման համակարգ է, որը նախատեսված է կրթության նախարարությունների և կրթական հաստատությունների համար: