Ինստիգեյթ Ուսումնական Կենտրոն Հիմնադրամ

Գործադիր տնօրեն՝ Գոհար Գրիգորյան

Կ․ Ուլնեցու 58/1, 0069, Երևան, ՀՀ

Հեռ․ (Հայաստան)` +374 (10) 248411, ներքին՝ 32

Հեռ. (Հայաստան)` +374 (60) 464700, ներքին՝ 1016

Էլ-փոստ` [email protected]

http://ggg.instigate-training-center.am

«Ինստիգեյթ ուսումնական կենտրոնը» ստեղծվել է 2004թ․ որպես «Ինստիգեյթ» ՓԲԸ-ի ուսումնական բաժանմունք։ 2008թ․ այն պաշտոնապես առանձնացել է որպես «Ինստիգեյթ ուսումնական կենտրոն» ՀԿ, իսկ 2011թ․ վերակազմավորվել որպես Հիմնադրամ։

«Ինստիգեյթ ուսումնական կենտրոնի» հիմնական առաքելությունն է լրացնել տեխնոլոգիական կրթության  և արդյունաբերության միջև գոյություն ունեցող բացը, նպաստել մարզերի միջև տնտեսական հավասարակշռության հաստատմանը, շարունակաբար բարելավել ՏՏ ոլորտի աշխատակիցների գիտելիքները և հմտությունները։

Այդ նպատակով Կենտրոնը կազմակերպում է համակարգչային ծրագրավորման դասընթացներ, որոնք թույլ են տալիս տեխնիկական ոլորտի ուսանողներին և շրջանավարտներին համալրել իրենց գիտելիքները ոլորտում պահանջվող ու կիրառելի գիտելիքներով և հմտություններով` հնարավորություն տալով նրանց ավելի հեշտ մուտք գործել տեխնոլոգիական արդյունաբերության նախընտրելի ոլորտ։  

Այս մոդելի կիրառման շնորհիվ «Ինստիգեյթ» ՓԲԸ-ն ընդլայնել է իր գործունեությունը Հայաստանում և Վրաստանում՝ մասնաճյուղեր բացելով Գյումրիում, Վանաձորում, Ստեփանակերտում, Գորիսում և ստեղծելով դուստր ընկերություններ՝ Պրոքսիմուս, Էքսերգիա, Ինստիգեյթ Մոբայլ, Ինստիգեյթ Սիստեմս, Ինստիգեյթ Ռոբոտիքս, որոնց համար Կենտրոնը հանդիսանում է աշխատակիցների համալրման հիմնական աղբյուր։ Կենտրոնը գործում է նաև Կապան, Հրազդան և Իջևան քաղաքներում։

Դասընթացները ներառում են հետևյալ թեմաները․

• Աղուէս/Կրիայ կրթական ծրագրեր
• Linux օպերացիոն համակարգ (ծանոթություն, ճարտարապետություն, տեղադրում...)
• Ծրագրային գործիքներ (bash, vim, gcc, gdb, GNU Make, svn, bugzilla)
• STL & Generic Programming
• POSIX գրադարան (thread, socket)
• GUI/UI ծրագրավորում, QT
• Սկրիպտային լեզուներ (python, tcl)
• OpenOffice փաթեթ
• VLSI տեխնոլոգիաներ
• Արտադրական գործընթաց
• Պրոյեկտի իրականացում
• Բարձր արտադրողականության հաշվողական տեխնոլոգիա
• Ներդրված ծրագրավորում
• Վեբ/մոբայլ ծրագրավորում

Կենտրոնն ունի ավելի քան 800 շրջանավարտ։ «Ինստիգեյթ» ՓԲԸ-ի և փոխկապակցված ընկերությունների աշխատակիցների 70%-ից ավելին «Ինստիգեյթ ուսումնական կենտրոնի» շրջանավարտներն են։  

Բացի դասընթացների և պրակտիկայի կազմակերպումից` ուսումնական կենտրոնը մասնակցում/նախաձեռնում է հասարակության զարգացմանն ուղղված նախագծեր․ «Վիքիպեդիա․ դպրոցներ և բուհեր», «ԳՆՈՒ/Լինուքս տեղադրումներ», մշակութային միջոցառումներ և այլ։