Share |

Վիասֆեր Տեխնոպարկ ՓԲԸ

Գլխավոր տնօրեն` Վարուժան Մասարաջյան

ՀՀ, ք. Երևան 0026, Արշակունյաց պող. 41

Հեռ.` + 374 10 44 21 88

Ֆաքս` + 374 10 44 89 02

Էլ. փոստ` [email protected]

http://www.viasphere.com

«Վիասֆեր Տեխնոպարկ» ՓԲԸ-ն հիմնադրվել է 2001թ.-ին` ստեղծելով գերազանց բիզնես միջավայր ինչպես արդեն կայացած տեխնոլոգիական ընկերությունների զարգացման, այնպես էլ սկսնակների համար` վերջիններիս տրամադրելով բիզնես ինկուբատորի ծառայություններ: Տեխնոպարկն այն վայրն է, որտեղ ընկերությունները փնտրում են ծրագրերի մշակման իրենց ծառայություններն արտահանելու և Հայաստանի տեխնիկական կարողությունների հիման վրա կապիտալացումն ապահովելու լուծումներ:

Տեխնոպարկն ընդլայնում է ծրագրային ապահովման, գիտահետազոտական կարողությունները` զարգացման կենտրոնների միջոցով, որոնք կապված են տարբեր երկրներում աշխատող թիմերի հետ` վարձակալ և հաճախորդ ընկերությունների համար ապահովելով միջոցների զգալի խնայողություն և սակավ տեխնիկական ռեսուրսների հասանելիություն: Վիասֆեր Տեխնոպարկը տրամադրում է հաճախորդի կարիքներին համապատասխանեցված ծառայություններ` ապահովելով այսօրվա շուկայում մրցունակ լինելու համար սկսնակներին անհրաժեշտ մասշտաբայնություն և արդյունավետություն:

Ենթակառուցվածքից մինչև կառավարվող ծրագրեր և վիրտուալ դուստր ընկերություններ` Վիասֆեր Տեխնոպարկն աշխատում է վարձակալ և հաճախորդ ընկերությունների հետ` նրանց մասնագիտական կարողությունները զարգացնելու ուղղությամբ: «Վիասֆեր»-ի բիզնես մոդելն օգնում է սկսնակ բիզնեսներին պահպանել և զարգացնել իրենց մարդկային կապիտալը` վիրտուալ դուստր ընկերության միջոցով, որը հնարավորություն է տալիս նրանց սկսել արտերկրյա գործունեությունը:

Վիասֆեր Տեխնոպարկի տարածքում զարգացել և իր բիզնեսն են ընդլայնել ընկերություններ, որոնք զբաղվում են`

Լազերային տեխնոլոգիաներ
Էլեկտրոնային նախագծման ավտոմատացում (EDA)` ծրագրային ապահովում
Ավտոմատացված նախագծում (CAD)` ծրագրային ապահովում
Ներկառուցված ծրագրային ապահովում
Վեբ ենթակառուցվածք
Անվտանգություն և ծածկագրում
Բանկային համակարգի համար նախատեսված ծրագրավորում
Բիզնես գործընթացի կառավարում
Ցանցային կառավարում
Ծրագրային ապահովում կրթության ոլորտի համար, ինչպես նաև խաղեր