Հայ-հնդկական ՏՀՏ գերազանցության կենտրոն
Ծրագրի ղեկավար՝ Էմիլիա Հարությունյան
Ալեք Մանուկյան 1, ԵՊՀ, Մաթեմատիկայի և Մեխանիկայի Ֆակուլտետ, 1-ին հարկ, Երևան 0025
Հեռ.` +374 10 556 810
Բջջ.՝ +374 93 556 810
Էլ. փոստ`info@armindia.am
Հայ-հնդկական տեղեկատվական և հեռահաղորդակցման տեխնոլոգիաների գերազանցության կենտրոնը հանդիսանում է ՀՀ կառավարության և Հնդկաստանի կառավարության համատեղ ծրագիր, որն իրականացվում է Ձեռնարկությունների ինկուբատոր հիմնադրամի (Հայաստան) և C-DAC կենտրոնի (Հնդկաստան) կողմից: Կենտրոնը տեղակայված է Երևանի պետական համալսարանում և իրականացնում է ինչպես կարճաժամկետ, այնպես էլ երկարաժամկետ դասընթացներ տարբեր թիրախային խմբերի համար:
Կենտրոնի հիմնական նպատակներն են.
- ՏՀՏ դասընթացների մատուցում
- Դասախոսների վերապատրաստում
- Փորձագետների փոխանակում
- Համատեղ գիտահետազոտական աշխատանքների խթանում
Ուսումնական գործունեության հետ մեկտեղ, կենտրոնն իրականացնում է արդի գիտահետազոտական աշխատանքներ համապատասխան լսարանում, որն ապահովված է ՊԱՐԱՄ գերհամակարգչով, անհրաժեշտ սարքավորումներով, ծրագրային ապահովմամբ և գրականությամբ:
Հայ-հնդկական ՏՀՏ գերազանցության կենտրոնը կազմակերպում է դասընթացներ հետևյալ ուղղություններով`
- Web ծրագրավորում
- Java ծրագրավորում
- Database տեխնոլոգիաներ
- Linux օպերացիոն համակարգ
- Ցանցային կառավարում և տեղեկատվական անվտանգություն
- Մոբայլ ծրագրավորում (Android, iOS)
- Զուգահեռ հաշվարկներ (PARAM)
- Գրաֆիկական դիզայն (Corel Draw, Adobe Photoshop)
- Մարքեթինգ և վաճառք
- Վիճակագրական վերլուծություն SPSS-ի օգնությամբ
- Ծրագրային կառավարում և MS Project 2010
- Մարդկային Ռեսուրսների Կառավարում
- Նախագծերի Կառավարում
2012-2016 տարիների ընթացքում կենտրոնում դասընթացների է մասնակցել ավելի քան 3000 մասնակից: